Նյութի մշտական հասցեն : https://n-idea.am/news.php?id=29335
Լրահոս


13.04.2013 / 16:24

ՌՈՒՍԱՍՏԱՆԸ ՍԻՐԻԱՅԻ ՇՈՒՐՋ ՄԱԿ-Ի ԳՎ ՄԻԱԿՈՂՄԱՆԻ ԲԱՆԱՁԵՎԻՆ ԴԵՄ Է

ՌԴ ԱԳ նախարարությունը քննադատել է Սիրիայի շուրջ ՄԱԿ-ի բանաձի նոր նախագիծը և հայտարարել, որ չի սատարի այն:

«Մոսկվան մտահոգված է այն հեռանկարով, որ ՄԱԿ-ում սիրիական հարցի շուրջ լարվածության և առճակատման նոր փուլ է սկսվում: Մի շարք պետություններ մշակել են Սիրիայի շուրջ ՄԱԿ-ի Գլխավոր վեհաժողովի բանաձի նախագիծը և մտադիր են առաջաիկայում այն ներկայցնել քվեարկության», – ասված է ԱԳ նախարարության հայտարարության մեջ:

«Տվյալ փաստաթուղթը, ինչպես ՄԱԿ-ի ԳՎ նախորդ երկու բանաձևերը, միակողմանի ուղղվածության է: Սիրիայում իրադարձությունների ողբերգական զարգացման ամբողջ պատասխանատվությունը բարդվում է այդ երկրի կառավարության վրա: Եվ դա արվում է չնայած այն ակնհայտ փաստերին (հաստատված նաև հեղինակավոր միջազգային կազմակերպությունների կողմից), որոնք խոսում են ընդդիմադիր զինված խմբավորումների հակաիրավական, այդ թվում նաև ահաբեկչական գործողությունների մասին», – նշված է հայտարարության մեջ:

«Ռուսաստանի Դաշնությունը բանաձևի տվյալ նախագծը չի սատարելու է և դեմ է քվեարկելու», – ընդգծում է ԱԳ նախարարությունը:


Տպագրել