Լրահոս
«ԱՌՈՂՋԱՊԱՀՈՒԹՅԱՆ ԿԱԶՄԱԿԵՐՊԻՉՆԵՐԻ ՄԻԱՎՈՐՈՒՄ»-Ը ՍԱՏԱՐՈՒՄ Է ՏԱՐՈՆ ՄԱՐԳԱՐՅԱՆԻՆ
«Առողջապահության կազմակերպիչների միավորում» հասարակական կազմակերպությունը հայտարարում է, որ մայիսի 5-ին կայանալիք Երևանի ավագանու ընտրություններին սատարում է Տարոն Մարգարյանին և ՀՀԿ-ին:
Կազմակերպության հայտարարության մեջ նև ասվում է.
«Վերջին տարիներին մայրաքաղաքի զարգացմանն ուղղված ծրագրերի շրջանակներում հիմնանորոգվել և վերակառուցվել են մի շարք բուժհիմնարկներ, լիովին արդիականացվել է շտապբուժօգնության ծառայությունը։ Սոցիալապես անապահով և առանձին խմբերի համար բոլոր պոլիկլինիկաներում կազմակերպվել են «բաց դռների օրեր»` լավագույն մասնագետների մասնակցությամբ ու լրացուցիչ հետազոտություններով։
Վստահ ենք, որ վերընտրվելու դեպքում Տարոն Մարգարյանը, ով իր արած գործերի շնորհիվ արժանացել է մարդկանց վստահությանն ու հարգանքին, կրկնակի եռանդով կշարունակի սկսած աշխատանքները և կուտակած փորձն ու կարողությունը կներդնի հանուն ավելի լավ Երևանի»:
